Obradoiro de poesía, en Vigo

De misterio e técnicas

Este obradoiro está dirixido a todo aquel que queira achegarse ao acontecer poético. Podemos domesticar a linguaxe? A súa estrutura? Pódese penetrar no sórdido, na emoción do sórdido, e calibrar os lindes ata os que podemos levar a imaxe?

Que é a beleza? Unha ilusión óptica? Unha actitude? Dúas palabras que firen?

Que pasa no poema? Que é o que nos importa no poema? Canta atención lle prestamos ao sen alento?

Sabemos cortar os versos? A medida? O ritmo?

Sabemos ler?

E o silencio? En que medida é posible producir o silencio no poema?

Ferramentas. Aprenderemos ferramentas para construír o texto. Pero sobre todo, e dígoo a modo de advertencia, a deriva será o pilar da aprendizaxe, demorarémonos en calquera concepto, calquera, que alumee a nosa achega ao poético.

Esta é a proposta.

E sempre a esixencia á palabra, o escrutinio ao que sometemos o poema.

Así visitaremos algúns poetas da literatura universal, e en particular da literatura galega, que han de sinalar, subliñar, para admirarnos.

Escribamos.

 

Programa

- A procura do equilibrio

Entre emoción e técnica
O mecanismo do poema
A música: verso, ritmo, rima
O que non se escribe: menos é máis

- Arquitecturas poéticas

A procura da unidade temática

Estrutura do poemario e do libro

Traducir poesía é posible

Recitado, lectura, declamación

- A memoria

O pasado como material poético

O verbo: o fío que vai e vén

A ficción: todo vale

Palabras con historia

  

- Autor@s

Sharon Olds. A linguaxe cotiá

Olga Orozco. A maxia

Eva Veiga. O inefable

Pilar Pallarés. A conmoción da palabra

Gonzalo Hermo. A precisión

Olalla Cociña. E emoción

 

Datas: Os venres 16, 23 e 30 de xaneiro e 6 de febreiro de 2015

Horario: 18.00 a 20.30 h
Duración: 10 horas
Precio: 75 €
Docente: Dores Tembrás
Plazas: 15

Inscricións en Servinova

De non chegar ao número mínimo de inscricións (13 persoas), o obradoiro cancelarase e devolverase o diñeiro da inscrición polo mesmo método por que se realizou o pagamento. En caso de cancelación, avisarase por correo electrónico ou por teléfono con un día de antelación.