Noite Branca Naturnova 2018. Vigo

O sábado día 11 de agosto, o noso Centro Interactivo de Educación Ambiental, Naturnova, abre as súas portas de 18.00 a 23.00 h de forma totalmente gratuíta con motivo da celebración da Noite Branca. Durante o percorrido poderedes gozar das curiosidades dos planetas, observar os fenómenos atmosféricos, aprender sobre as enerxías renovables e ata realizar unha viaxe virtual no noso simulador de submarino. ¡Esperámosvos!



Comprende como é o mundo que nos rodea e o importante que é coidalo e conservalo. Coñece os misterios dos planetas, realiza unha viaxe polo fondo do mar nun simulador submarino, escoita unha tormenta, toca unha nube, sobrevoa Galicia ou visualiza o funcionamento das enerxías renovables. Todo isto poderás facelo nas tres salas temáticas de Naturnova. A primeira está dedicada ao Universo, e nela explícanse, ademais da galaxia e o sistema solar, as formas de movemento dos planetas e a súa situación dentro do sistema e o nacemento das estrelas. A segunda ten como núcleo temático a Terra e as súas características, onde poderás coñecer o seu chan, a auga ou a atmosfera. A terceira sala está centrada no ser humano e a súa relación co medio