Mercadiño solidario en beneficio da Asociación Española Contra o Cancro de Ourense (AECC) - Espazo +60 Ourense

O martes 26 de maio, o Espazo +60 de Afundación en Ourense acollerá un mercadiño solidario coa finalidade de recadar fondos para a Asociación Española Contra o Cancro de Ourense (AECC) e dar visibilidade ao labor desenvolvido polas voluntarias do centro.

A actividade terá lugar na Rúa do Paseo nº 6, xunto á entrada do Espazo, e contará cunha exposición e venda de produtos artesanais elaborados polas propias voluntarias con materiais doados por socios e socias do espazo. Entre os artigos dispoñibles haberá bolsos, carteiras, manteis, mandís, estoxos e outras pezas únicas realizadas de maneira artesanal.

O mercadiño será de acceso gratuíto e permanecerá aberto en horario de 10:00 a 13:00 horas e de 16:00 a 20:00 horas.

Máis información no Espazo +60.