Microfestival Magosto Gráfico. A Coruña

O Magosto Gráfico é un microfestival que trata de acoller distintas sensibilidades creativas nun evento que se celebra a tarde do venres 24 e todo o sábado 25 de novembro na sala -1 da Sede Afundación A Coruña. Nesta proposta teñen cabida proxectos de ilustración e BD, cun mercado de produto ilustrado e autoedición, actividades de debuxo participativo coma o Drink & Draw e a Expo Inktober, proxección de curtas de animación independentes durante o Autocine e moitas máis cousiñas que podes consultar a seguir coa programación. 

 

Organizan Autobán, Colectivo Miñoco, Ánimas Anónimas e AGPI.

 

 

 

PROGRAMA

 

VENRES 24 novembro

• 18.00 a 21.30 h Expo Inktober 2017 e Mercado de Ilustración. Organizado por Autobán.
  Expo Inktober é unha mostra de distintos autores e autoras que este ano se atreveron a afrontar o reto do Inktober: subir a redes un debuxo orixinal cada día do mes de outubro. As persoas participantes son: Lucía Corral, Pepe Mansilla, Roque Romero, Diego Blanco, Inés Casajeros, Álvaro López e Roberto M. Soler.
  
  No Mercado de ilustración podes atopar postos con produtos ilustrados de Nuria Díaz, Espazo Anfibio, Nuria Figueiredo, Leandro Barea, Carlos Arrojo, Colectivo Fracasso, Axóuxeres e Chisqueiros, e un posto colectivo de venda de fanzines e material autoeditado.

• 19.00 h Drink & Draw especial animación. Organizado por Colectivo Miñoco e Ánimas anónimas.
  Trátase dunha quedada aberta a toda a xente (profesionais e amateurs) para debuxar. As persoas asistentes poden apuntarse a unha serie de probas. Desta volta, os exercicios propostos van tratar sobre a creación de elementos e personaxes para a súa posterior animación coa axuda do colectivo Ánimas Anónimas.

• 20.30 h Concerto Ilustrado de Ocre con debuxo en vivo de Mateo Alvarellos e Paula Esteban. Organizado por Autobán.
  Ocre, o grupo unipersoal de Edu Poch, ofrece unha actuación chea de maxia e electropop, acompañada do debuxo en directo dunha parella de novos talentos: Mateo Alvarellos e Paula Esteban.

 

SÁBADO 25 novembro

• 11.30 a 21.30 h Expo Inktober 2017 e Mercado de Ilustración. Organizado por Autobán.

• 12.00 h Minibán: Contacontos de Iván Serrano ilustrado en vivo por Roberto M. Soler e Yupiyeyo. Organizado por Autobán.
  Iván Serrano fai as delicias da xente miúda coas súas cativadoras historias para toda a familia, acompañado nesta ocasión por dous talentos da ilustración, debuxando en directo: Yupiyeyo e Roberto M. Soler.

 

• 13.30 h Super Noodles e sesión vermú
  Cara ao mediodía desfrutarase dunha animada sesión de musiqueo.

 

• 16.00 h Charla: «A impresión dixital ao servizo da creatividade. Un mundo de posibilidades» polo Colexio Fogar Afundación.

• 17.00 h Autocine. Organizado por Autobán.
  Proxección de curtas de animación independentes, especialmente escollidas por Martín Romero:
  • o «Double King» de ‎Felix Colgrave
  • o «Cat City» de Victoria Vincent
  • o «The Kiosk» de Anete Melece
  • o «Little Girl» de Steven Subotnick

 

• 19.00 h Coloquio: «Mamá, quero ser artista! - Venturas e desventuras do mundo da creación». Organizado por Autobán.
  Tres creadores mozos e talentosos xúntanse para describir a súa evolución persoal e artística: Gemma Pérez, deseñadora gráfica e multimedia; Yago García, ilustrador e deseñador de produto; e Giovanna Lopalco, animadora e ilustradora. Modera Bernal Prieto. 

• 20.30 h IlustraNoite. Organizado por AGPI.
  Minipresentacións ultrarrápidas a cargo de persoas hipercreativas. O ilustraNoite é un formato áxil e ameno que permite que varios creadores ou colectivos presenten a súa obra de forma rápida e divertida. Nesta edición contamos con Santy Gutiérrez, Isa Albela, Espazo Anfibio, Roque Romero, Cogomelo Games, Sekone e outros artistas.

 

Todas as actividades son abertas e de balde.