A Ruta Xacobea marítimo-fluvial polo Mar de Arousa e o Río Ulla - Espazo +60 Betanzos y Pontedeume

O vindeiro 22 de xuño convidámoste a vivir unha xornada inesquecible percorrendo a histórica Ruta Xacobea marítimo-fluvial polo Mar de Arousa e o Río Ulla. Unha excursión que combina patrimonio, natureza, tradición xacobea e algunhas das paisaxes máis representativas de Galicia.

A travesía guiada en barco, de aproximadamente 28 quilómetros, permitiranos descubrir espazos de grande valor histórico e natural. Durante o percorrido contemplaremos as bateas, a Illa de Cortegada, as Torres do Oeste e o singular Vía Crucis marítimo-fluvial, único no mundo, formado por doce cruceiros que sinalan o camiño seguido pola tradición xacobea.

A xornada continuará cunha parada en Padrón para gozar do xantar incluído na actividade. Pola tarde desprazarémonos a Santiago de Compostela, onde realizaremos unha visita guiada centrada no Camiño de Santiago e na chegada dos peregrinos á cidade.

Percorreremos as catro prazas que rodean a Catedral de Santiago e coñeceremos as lendas, milagres e historias que acompañaron os camiñantes ao longo dos séculos. Como broche final, faremos xuntos a entrada á Praza do Obradoiro, recreando a emocionante chegada dos peregrinos tras completar o seu camiño.

O prezo da actividade inclúe desprazamento en autobús, travesía en barco, café a bordo, xantar e visitas guiadas.

Data: 22 de xuño
Prezo: 65 €
Inscrición obrigatoria: ata o 17 de xuño no Espazo +60 de Betanzos ou Pontedeume