Mozos e maiores comparten clases de actividade física, Espazo +60 Ferrol

Alumnos do ciclo superior de Animación socio deportiva e actividades físicas para a inclusión do IES Rodolfo Ucha desprazaranse ao Espazo +60 de Ferrol para participar nas clases de ioga, ximnasia, tai-chi, zumba, ximnasia doce, pilates e no obradoiro cultural cos socios do centro.

Esta actividade desenvólvese no marco da iniciativa "O valor da experiencia" da área de Envellecemento Activo de Afundación, que ten como finalidade promover o papel activo dos maiores na sociedade e o voluntariado interxeracional.