Concerto de IL FERVORE, en Pontevedra

O Auditorio Sede Afundación de Pontevedra recibirá o martes 28 de abril ao grupo historicista Il Fervore e á soprano Jone Martínez, baixo a dirección do violinista Jesús Merino. A formación ofrecerá un programa integramente dedicado ao compositor barroco Alessandro Scarlatti, con arias das súas óperas Clori, Dorino e Amore e Tiberio, imperatore d'Oriente, xunto a dous dos seus concerti grossi. O concerto celébrase en colaboración coa Sociedade Filarmónica de Pontevedra, que facilitará as entradas aos seus socios e socias. O resto de persoas poderán adquirir as súas entradas en Ataquilla.com ou no vestíbulo do Auditorio o mesmo día do concerto.

Esta actuación enmárcase no programa solidario Cultura por Alimentos. Accede cunha doazón para os bancos de alimentos locais. Máis información

Director e violín: Jesús Merino

Soprano: Jone Martínez

Viola: Ricardo Gil

Violonchelo: Candela Gómez

Contrabaixo: Ismael Campanero

Clavecín: Julio Caballero

Tiorba e guitarra barroca: Ignacio Laguna

28 ABR | 20:30 h

Duración aprox. 1 h 10 min (sen pausa)

PROGRAMA

ALESSANDRO SCARLATTI (1660–1725)

De Clori, Dorino e Amore (1702)

Sinfonía avanti la serenata

Aria de Clori: Cari lidi, amene sponde (acto I)

Recitativo de Clori: Su quest'ameno lido (acto I)

Aria de Clori: Chiudetevi, o pupille (acto I)

Recitativo acompañado de Clori: Ma già l'egre palpebre (acto I)

Concerto grosso nº 1 en Fa menor (ca. 1725)

De Tiberio, imperatore d'Oriente (1702)

Ballo

Aria de Anastasia: Ho tanto avvezzo il core (acto III, escena 4)

Aria de Sofía: A battaglia quest'alma t'invita (acto I, escena 18)

Follia, baseada na Follia di Spagna de Scarlatti e na Sonata op. 5 nº 12 La follia de Corelli (arr. J. Merino)

De Tiberio, imperatore d'Oriente (1702)

Aria de Sofía: Ai lieti accenti (acto III, escena última)

Aria de Tiberio: Questo petto, ancor che forte (acto I, escena 1)

Aria de Giustiniano: Penso di vendicarmi (acto II, escena 13)

Concerto grosso nº 3 en Fa maior (ca. 1725)

De Clori, Dorino e Amore (1702)

Introdutione

Aria de Amor Fedele: Sì, sì, gioie e diletti (acto II)

Recitativo de Amor Fedele: Sì, sì gioisca il mondo (acto II)

Aria de Amor Fedele: S'ai contenti il ciel m'invita (acto II)

Recitativo de Amor Fedele: Sì, sì, goda Filippo (acto II)

Aria de Amor Fedele: Al baleno d'un mio sorriso (acto I)

Il Fervore e Jone Martínez

Il Fervore é un conxunto historicista que se fundou en 2021 e que está especializado na recuperación do repertorio dos séculos XVII e XVIII conservado en arquivos españois e italianos. A súa formación habitual combina dous violíns, viola, violonchelo, contrabaixo, clave, tiorba e guitarra barroca, aos que se suma neste programa a voz da soprano Jone Martínez. Aínda que se creara recentemente, os seus integrantes acumulan unha longa traxectoria nas principais agrupacións de música antiga do panorama actual.

Jone Martínez está considerada unha das voces máis destacadas da nova xeración de sopranos españolas. Actuou como solista coa Orquestra Sinfónica de Galicia, a Orquestra e Coro de RTVE, a Orquestra Cidade de Granada e a Orquestra Barroca de Sevilla, e colabora de forma habitual en festivais como a Quincena Musical de Donostia, a Semana de Música Relixiosa de Cuenca ou o Festival Internacional de Arte Sacro de Madrid.

Alessandro Scarlatti

O programa elixido para a velada do 28 de abril xira integramente arredor de Alessandro Scarlatti (1660–1725), unha das figuras centrais do barroco italiano e pai do compositor Domenico Scarlatti. As arias proceden de dúas das súas óperas de 1702: Clori, Dorino e Amore e Tiberio, imperatore d'Oriente. Os dous concerti grossi que completan o programa amosan ao Scarlatti máis maduro e ofrecen un contrapunto instrumental de grande riqueza.

Para non perderte nada da nosa programación, consulta a axenda web, e para máis espectáculos, agardámoste en Ataquilla.com.