II Xornadas Coñecendo as Emocións, en Vigo

II Xornadas COÑECENDO AS EMOCIÓNS
Envellecemento significativo: Emocións, Propósito e Resiliencia

Nunha sociedade cada vez máis lonxeva, resulta necesario repensar o envellecemento, recoñecendo o valor do propósito, a resiliencia e a capacidade de adaptación aos desafíos vitais propios desta etapa. A Xornada reúne a achega académica da profesora Anja Machielse, referente no estudo da soidade e o significado na vida, e a visión experta da directora xeral do IMSERSO, M. Teresa Sancho, sobre as tendencias demográficas e as implicacións no marco estratéxico europeo. Nunha segunda parte, daranse a coñecer os resultados e experiencias da rede «Coñecendo as emocións», impulsada por Afundación coa colaboración de Matia Instituto, co obxectivo de situar as emocións, o benestar e o sentido vital no centro dun envellecemento pleno e significativo.

Inscríbete a través desta ligazón.

PROGRAMA

9.15 h Acreditacións

10.00 - 10.15 h Apertura institucional

Pedro Otero, director xerente de Afundación

PRIMEIRA PARTE

10.15 - 10.45 h Conferencia inaugural: «Ageing is Living (Envellecer é vivir): marco estratéxico europeo para un bo envellecemento»
María Teresa Sancho, directora xeral do Instituto de Maiores e Servizos Sociais (IMSERSO)

10.45 - 11.45 h Conferencia marco: «Envellecemento significativo e resiliencia: claves para o benestar emocional na vellez»
Anja Machielse, catedrática de Humanismo e Resiliencia Social e profesora emérita na Universidade de Estudos Humanísticos de Utrech

11.45 - 12.15 h Pausa café

SEGUNDA PARTE

12.15 - 13.00 h Mesa redonda: «Coñecendo as emocións. Voces de participantes: homes maiores e o desafío da expresión emocional no programa»
Participan: Miguel Ángel Quintás (ALCER) | Vicente Lorenzo Barreira (Espazo +60 Vigo) | Xaime Manuel González (Espazo +60 Santiago) | Emilio Santiago (Espazo +60 A Coruña) | Jesús Mucientes Martín (Espazo +60 Ferrol).
Modera: Alba Iglesias (Agadea)
Presenta resultados: Xosé Luis Liñares (Afundación)

13.00 - 13.45 h Mesa redonda: «Emocións en contornas de coidado: a adaptación do programa e o seu impacto en residencias e centros de día»
Graciela Créstar (ADCOR) | Patricia Martínez (COGAMI) | María Valiño (O tempo é noso) | Eva Fernández (Mimosas).
Modera: Lucía Gil (Contigo)
Presenta resultados: Sara Marsillas (Matia Instituto)

13.45 - 14.00 h Conclusións: «A rede Coñecendo as emocións: un modelo de colaboración interinstitucional para promover o benestar no envellecemento»
Sabela Couceiro, coordinadora de Maiores de Afundación
Mercedes Garnelo, coordinadora do programa Emocións

 

A QUEN SE DIRIXE: Profesionais e estudantes dos eidos social e sanitario, entidades interesadas en adherirse á rede e público xeral.

 

A REDE «COÑECENDO AS EMOCIÓNS»: No primeiro trimestre de 2026, canda ás entidades impulsoras, a rede reúne 16 organizacións que implementaron o programa en 18 localidades de Galicia e Madrid. Xunto a elas adaptamos a proposta a contornas de coidados —residencias e centros de día—, cocreamos o programa «Afondando nas emocións» e seguimos ampliando o traballo sobre competencias emocionais, sentido vital e benestar na vellez. Todo isto, desde unha perspectiva práctica e aplicada ás experiencias cotiás

 

ADCOR, AFAGA, AGADEA, AFAMON, AFAPO, AFAOR, ATEGAL, ALCER, COGAMI, CRUZ VERMELLA (GALICIA e COMUNIDADE DE MADRID), CONTIGO, MIMOSAS, MOREA, O TEMPO É NOSO, SUMMA HUMANITATE, SAN CAMILO