O Grupo de Teatro Espazo +60 Vigo presenta as súas mostras de fin de curso - Espazo +60 Vigo

O Grupo de Teatro Espazo +60 Vigo celebrará as súas representacións de fin de curso no auditorio do Colexio Fogar Afundación, onde o alumnado amosará ao público o traballo realizado ao longo do ano.

As funcións terán lugar entre o 28 de maio e o 15 de xuño, sempre ás 18:00 horas, con diferentes montaxes teatrais interpretadas polos distintos grupos do programa.

O grupo dos xoves abrirá a programación o 28 de maio coas obras “Ciento cincuenta no es nada” e “2ª convocatoria”. O 2 de xuño será a quenda do grupo dos martes, que representará “Pola honra da familia” e “Convento de Santa Mª Juana”. O grupo dos mércores actuará o 10 de xuño con “Bienvenidos a bordo” e “Un espíritu burlón”. Finalmente, o grupo dos luns pechará as representacións o 15 de xuño coa obra “Has perdido el juicio”.

A actividade é gratuíta e aberta ao público ata completar capacidade.