Goyo Jiménez, Evoluzión

Goyo Jiménez chega o sábado 27 de setembro ao Centro Cultural de Vigo co seu novo espectáculo, inédito en televisión, titulado Evoluzión. O monologuista sorprenderanos coa súa abraiante, mordaz e hilarante visión da evolución humana ata os nosos días.
Entradas xa á venda en Servinova

 

O ser humano, abofé que evolucionou? Ou involucionou? As teorías cómicas de Goyo provocarán que no público nos formulemos estas cuestións. Por exemplo, o sucedáneo do caviar: que é? Mellorou a alimentación? Levou a poder catar realmente o sabor do caviar? Que significa sucedáneo? Por que o ser humano perde pelo na cabeza?

Todo isto da man da barroca e exhaustiva forma de posta en escena de Goyo Jiménez, quen explota de novo neste monólogo todos os seus recursos expresivos de corpo e voz ao servizo da diversión e a transmisión de emocións e sensacións, con detalle e virtuosismo. É esa particular maneira de construír os seus one man shows, precisamente, a que lle valeu o recoñecemento de crítica e público como o mellor monologuista cómico do país.