II Festival Internacional de Animación IMAXINARIA na Coruña
Do 6 ao 10 de marzo, a Sede Afundación A Coruña acolle a segunda edición do Festival Internacional de Animación IMAXINARIA, un proxecto que nace co obxectivo de promocionar e dar a coñecer a animación audiovisual menos comercial, e funcionar tamén como punto de encontro de profesionais do sector, onde Galicia posúe unha ampla e recoñecida tradición innovadora.
Faite coas túas entradas solidarias en Ataquilla.com.
Esta actividade enmárcase no programa CULTURA POR ALIMENTOS, unha iniciativa solidaria en favor de FESBAL. Convidámoste a colaborares, facéndote coas túas entradas a través de Ataquilla.com. O prezo da entrada será doado integramente ao Banco de Alimentos local.
Máis información sobre Cultura por Alimentos
Toda a información sobre o festival en www.imaxinaria.afundacion.org
Directores | ALBERTO VÁZQUEZ e MATILDE RODRÍGUEZ
Alberto Vázquez é un referente na animación actual, o ilustrador, debuxante e director coruñés leva gañado numerosos premios nacionais e internacionais, coma o Goya 2023.
Matilde Rodríguez é a comisaria da Mostra Internacional de Ilustración Contemporánea (Miic).
FESTIVAL IMAXINARIA
Nace para crear un espazo de encontro, divulgación, e proxección para o sector da animación, a nivel galego, nacional e internacional. Contará cunha sección oficial en que se poderán ver as cintas a concurso. Tamén haberá actividades paralelas: exhibición de películas fóra de concurso –entre elas catro longametraxes de recoñecemento internacional–, eventos formativos, actividades para a infancia, charlas e clases maxistrais con expertos de prestixio internacional, entre outros eventos.
ESCOLARES
Proxectamos unha serie de curtametraxes para público escolar, de Infantil a 6º de Primaria, na Sede Afundación A Coruña.
7 e 8 MAR [2 sesións]
10.00 h | 3 a 7 anos
12.00 h | 7 a 12 anos
Dedicamos o apartado «O meu primeiro festival» á infancia para dar a coñecer o valor educativo da animación, pescudar sobre o funcionamento dun festival de cinema, espertar o pensamento crítico e aprender a valorar a creatividade das pezas audiovisuais. Terán a oportunidade de participar activamente do festival, actuando como xurado e coas súas votacións, outorgarase o Premio Público Infantil á curtametraxe mellor valorada.
As obras seleccionadas son dos anos 2023 e 2024 con temáticas e historias diversas, incidindo en valores éticos e sociais, e sen deixar de lado a diversión.
Para estar ao tanto de toda a programación do festival entra AQUÍ.
