Faladoiro sobre José Canalejas, Espazo +60 Ferrol

O faladoiro do mes de xaneiro do Espazo +60 Afundación de Ferrol tratará sobre José Canalejas, político ferrolán. Foi ministro de Fomento, de Graza e Xustiza, de Facenda e ministro de Agricultura, Industria, Comercio e Obras Públicas, durante a rexencia de María Cristina de Habsburgo-Lorena, e presidente do Consello de Ministros e novamente ministro de Fomento e ministro de Graza e Xustiza, durante o reinado de Afonso XIII. Exerceu de presidente do Congreso dos Deputados entre 1906 e 1907 e de presidente do Consello de Ministros entre 1910 e 1912, cargo que dsempeñaba cando foi asasinado por un pistoleiro simpatizante anarquista. Neno prodixio, traduciu aos dez anos do francés ao español unha pequena obra titulada Luis o el joven emigrado. Á idade de once anos era xa correspondente político de prensa co pseudónimo de ‘El cantor de Mugardos’.

Se é a primeira vez que asistes, apúntate no Espazo +60 antes do 20 de xaneiro!