Exposición: «O mundo das árbores». Vigo

A nosa Sede Afundación en Vigo acolle unha nova exposición centrada no mundo natural. As árbores cobran un protagonismo merecido nas nosas salas, mostrándose un total de 20 fotografías das especies de árbores máis importantes e raras da Península Ibérica. A exposición «O mundo das árbores» céntrase nas especies autóctonas de Galicia para aprender a recoñecer e protexer a nosa verdadeira flora. Cada fotografía vai acompañada dun texto en que se describen os aspectos máis importantes de cada árbore e algúns dos datos máis singulares da especie.

 

DIDÁCTICA

Para escolares de infantil e primeiro ciclo de primaria ofértase unha actividade especial onde explicarán o proceso de crecemento dunha nova árbore, así coma a importancia de coidalas a través dun conto.

 

Ademais, contamos cunha actividade especial, as nenas e nenos que fagan un debuxo/foto/collage dos nosos bosques e o entreguen na entrada de Naturnova conseguirán unha invitación dobre, persoa adulta + neno/a, para visitar o Centro Interactivo de Medio Ambiente. NATURNOVA, e verá o seu debuxo/foto exposto nunha das paredes desta mostra.