Exposición VIGO NO TEMPO, en Vigo
VIGO NO TEMPO é a quinta das mostras que se poñen en marcha no marco dun proxecto máis amplo, 'Cidades no tempo', que contempla unha exposición en cada unha das sete principais urbes galegas. Tras Santiago, Ferrol, Lugo e A Coruña, a proposta continúa o seu percorrido en Vigo co obxectivo de reinvindicar a cultura urbana como compoñente clave da identidade de Galicia. A partir do 10 de novembro podes visitala na Sede Afundación Vigo ata o 20 de xaneiro de 2024.
VISITAS GUIADAS para público xeral
16, 23 e 30 NOV 2023
7, 14, 21 e 28 DEC 2023
4, 11 e 18 XAN 2024
Enmarcadas en Cultura por Alimentos: trae a túa doazón de produtos non perecedoiros cando asistas.
VISITAS GUIADAS para familias
26, 27 e 28 DEC 2023
2, 3 e 4 XAN 2024
Enmarcadas en Cultura por Alimentos: trae a túa doazón de produtos non perecedoiros cando asistas.
comisario | MANUEL GAGO
CULTURA POR ALIMENTOS
Coñeces o noso programa solidario? Accede a toda a información desde a nosa web para saber de todas aquelas actividades culturais que podes realizar nos nosos recintos por un intercambio de alimentos non perecedoiros, destinados aos bancos de alimentos locais, en colaboración con FESBAL, Federación Española de Bancos de Alimentos. Esta exposición forma parte da rede de actividades adheridas á iniciativa, polo que te convidamos a deixar a túa doazón á entrada do edificio, no punto habilitado, cando a visites.
A ilusión compartida que nos move! Infórmate aquí
A EXPOSICIÓN
A iniciativa está organizada pola Xunta de Galicia, a través da Fundación Cidade da Cultura, coa colaboración de Afundación (Obra Social ABANCA). O relato expositivo explora a cidade dende as súas orixes ata a actualidade cunha combinación única de obxectos de alta cultura e cotiáns, obras de arte, documentación histórica, mapas e planos, recreacións virtuais, fotografías e publicacións. Unha oportunidade de afondar no Vigo máis coñecido e de descubrir os aspectos esquecidos ou descoñecidos dende moi diversas perspectivas: os fitos históricos e os mitos, o desevolvemento urbanístico, a economía e a industria, o lecer ou a cultura.
A mostra parte dunha visión de Vigo como un lugar cunha profunda vontade de constituírse como unha gran cidade. Así, fai un percorrido pola realidade dunha urbe que medrou nun territorio xa intensamente habitado incluso antes de que existira esa propia idea de cidade. Baixo esta premisa, o traxecto abrangue as relevantes infraestruturas a nivel comercial, cultural e de comunicacións, enfocadas en acadar ese obxectivo. Un camiño que repasa, ademais, pezas arqueolóxicas de grande importancia, os documentos fundacionais, algunhas das imaxes máis antigas da cidade e mesmo grandes proxectos que non saíron adiante.
A exposición coloca nun mesmo escenario dende o Vigo industrial (vinculado ao mar e outras entidades destacadas como Citroën) ao editorial, pasando pola influencia do Cable Inglés nos costumes e no lecer, polo Vigo da Movida ou do Grupo Atlántica, ata o Vigo do mar e as lendas.
Á fronte do proxecto está Manuel Gago, doutor en Ciencias da Comunicación e director de culturagalega.gal do Consello da Cultura Galega. Para esta mostra conta co asesoramento, como coordinador local, do columnista e editor de Xerais entre 1994 e 2018, Manuel Bragado. Así mesmo, colaboran institucións relevantes para esta cidade, coleccións particulares e recoñecidas entidades empresariais.
Toda a información completa sobre a mostra abaixo no folleto descargable.
OBRADOIROS DE NADAL
5 a 10 anos
A escoller data entre os seguintes días:
26, 27 e 28 DEC | 11.00 a 13.00 h
2, 3 e 4 XAN | 11.00 a 13.00 h
5 €/ persoa
Prazas limitadas (máx. 15 persoas)
Sede Afundación Vigo
ESCOLARES
Esta mostra é parte do proxecto global CIDADES NO TEMPO, co que pretendemos, canda a Cidade da Cultura, pór en valor a identidade urbana de Galicia. Trátase de sete exposicións sobre cada unha das sete cidades galegas, diferentes entre si, mais fortemente conectadas. Agora, amosamos toda a historia, cultura, arquitectura e outras particularidades de Vigo... Imos alá cun programa interesante para os centros escolares galegos:
• Visita-conto con obradoiro | INFANTIL a 4º PRIMARIA | «Os galeóns baixo a Ponte de Rande»
• Visita con obradoiro | 5º PRIMARIA a 2º ESO | «Ondas do mar de Vigo»
• Visita comentada con obradoiro (opcional) | 3º ESO a BACHARELATO e C.F. | «Vigo no tempo»
E con cada didáctica, dous obradoiros a escoller:
• Obradoiro de STEAM, arte robótica e programación
• Obradoiro de SOSTIBILIDADE, arte, recuperación e conciencia ambiental
Prezo: 2 € / escolar
