Pikante, espectáculo de baile en Pontevedra

O 18 de xullo estréase no Centro Social Fundación Novacaixagalicia de Pontevedra Pikante, un espectáculo de baile creado pola escola Bambalina e que conta cun elenco de 32 bailaríns.

Entradas xa á venda en Servinova

Pikante é un show fresco e divertido, resultado de engadir pequenas doses de sensualidade e erotismo a un prato principal, o baile. Tango, hip-hop, burlesque, valse, contemporáneo, latino, swing... son só algúns dos xéneros da ampla selección de estilos que recolle a función. As diferentes escenas transportarannos a outras épocas en que, como hoxe en día, o pracer e a paixón ocupaban horas do noso pensamento.

A actuación convida a coñecer e aceptar, desde o prisma do erótico, un grande abano de posibilidades e xeitos de pensar e vivir. En todo momento, engade ese toque perspicaz e atrevido que, en ocasións, pasa a se converter na sal da vida.

Espectáculo non recomendado para menores de 12 anos