Exposición ESPAZO E TEMPO. A escultura na Colección ABANCA, en Madrid
__narrow.jpg "Exposición ESPAZO E TEMPO. A escultura na Colección ABANCA, en Madrid")
A Colección ABANCA propón este percorrido singular pola evolución da escultura en España desde finais do século XIX ata os nosos días, a través de obras que pertencen a unha colección declarada Ben de Interese Cultural en 2015. A exposición Espazo e Tempo parte dos modos rexionais e o modernismo tardío (con figuras como Isidoro Brocos ou Rafael de la Torre Mirón) e avanza cara á renovación de posguerra protagonizada por Baltasar Lobo, Eduardo Chillida e Jorge Oteiza, sen esquecer a presenza de dúas pezas excepcionais de Pablo Picasso e Julio González como ponte cara á vangarda. A exposición pode visitarse na Galería Casamérica | ABANCA de Madrid ata o 25 de maio de 2026.
O percorrido desemboca nunha escultura que trascendeu a súa dimensión estática para explorar o espazo, os materiais industriais e a carga simbólica da ausencia e a fragmentación. Obras como Recolectoras de Francisco Leiro, unha homenaxe ás mulleres galegas na catástrofe do Prestige, ou Toma de terra n.º 2 de Susana Solano dan paso ás narrativas enigmáticas de Juan Muñoz e á estética da fragmentación de Julião Sarmento, artistas que converten o espectador en parte activa da obra.
En definitiva, Espazo e Tempo reafirma a escultura como unha linguaxe viva, capaz de evocar historias, desafiar convencións e transformar a nosa percepción do espazo que habitamos.
