Escolares 2021-22. FRANKENSTEIN, TREME O MISTERIO... en AfundaciónTV

FRANKENSTEIN, TREME O MISTERIO…

Teatro dos Ghazafelhos

Teatro de actor

Galego e lingua de signos, 60 minutos

Educación Primaria (6 a 12 anos)

 

Función | 30 de novembro | 10.00 h

Encontro | 3 de decembro | 10.00 h

 

Que se pode esconder nun escuro castelo perdido nas montañas? Pode que algo que non quere ser descuberto ou algo que espera que o descubran. Unha aventura onde dous investigadores tratan de saber se o lendario monstro de Frankenstein existe ou non.

Este clásico da literatura fai unha adaptación do clásico de Mary Shelley, afondando na idea da monstruosidade á que pode chegar o ser humano por buscar a perfección, unha ollada á diversidade a través da aceptación dun mesmo e d@s demais.

 

ENCONTRO

Duración: 40 min

Neste encontro participarán o autor do texto, director da peza e actor Pepablo Patinho e a actriz Montse Piñón, que introducirán o alumnado participante nas claves e pasos da creación escénica e falarán tamén sobre a importancia de aceptármonos a nós mesmos e aos demais.

 

Inscríbete coa túa clase na web www.escolares.afundacion.org, entrando en Acceso Centros co código e contrasinal do teu centro e seleccionando Localidade Virtual. 

Máis información no 986 120 089