ARTURO PÉREZ-REVERTE, na Coruña
O próximo mércores 17 de setembro na Sede Afundación A Coruña celébrase a xornada inaugural dos XXI Encontros con escritores. Ese día Javier Pintor, organizador deste ciclo literario, e o autor Xavier Seoane conversarán co escritor Arturo Pérez-Reverte da súa nova novela, Misión en París (Alfaguara, setembro de 2025) unha nova entrega do seu exitoso e afamado personaxe o Capitán Alatriste. Este personaxe é un caso único na literatura en español: trascendeu a dimensión literaria para converterse nunha figura icónica da historia cultural do noso país.
ENTRADAS ESGOTADAS!
CULTURA POR ALIMENTOS convídate a acceder a esta actividade cunha doazón de alimentos non perecedoiros para axudar os bancos de alimentos locais. Infórmate!
Misión en París celebra o 30.º aniversario da serie e aparece catorce anos despois da publicación de El puente de los Asesinos, a sétima e última entrega ata a data. Arturo Pérez-Reverte afonda nesta saga en todos os aspectos do Século de Ouro español, e incorpora na trama personaxes reais como Francisco de Quevedo. Para o escritor e académico da Real Academia Española, «borrar as fronteiras entre realidade e ficción, e rematar non podendo diferenciar ben o vivo do imaxinado, resulta fonte de especial pracer para calquera autor. No fin de contas, para iso algúns escribimos novelas».
Arturo Pérez-Reverte naceu en Cartaxena, España, en 1951. Foi reporteiro de guerra durante vinte e un anos e cubriu dezaoito conflitos armados para os diarios e a televisión. Con máis de vintesete millóns de lectores no mundo, traducido a corenta idiomas, moitas das súas obras foron levadas ao cinema e á televisión. Hoxe comparte a súa vida entre a literatura, o mar e a navegación. É membro da Real Academia Española e da Asociación de Escritores de Mariña de Francia.
Organiza o Centro de Formación do Profesorado en colaboración con Afundación.
Aproveita para visitares a axenda web e decatáreste de todas as propostas culturais que che ofrecemos ao longo do mes. Tamén podes entrar na nosa ticketeira Ataquilla.com para informarte doutras actividades escénicas.