O segredo dos Franciscanos - Espazo +60 Ourense

Dende o Espazo +60 Afundación de Ourense organizamos unha visita dramatizada polos recunchos franciscanos máis emblemáticos da cidade. Ao longo do percorrido, diferentes personaxes ambientadas en épocas anteriores á modernidade acompañarán ao público relatando historias, curiosidades e anécdotas vinculadas á presenza franciscana en Ourense.

A actividade comezará na Praza do Trigo e propón unha maneira diferente, próxima e entretida de achegarse á historia local, combinando divulgación, teatro e humor nun paseo cultural pensado para gozar e aprender.

• Praza do Trigo, Ourense
• 3 de xuño de 2026
• 16:00 h

Actividade gratuíta con inscrición previa no Espazo +60, no 988 23 63 03 ou no formulario.