Cursos presenciais Igualdade Dixital
Que é Igualdade Dixital?
Igualdade Dixital é a resposta de Afundación á nova fenda dixital: un programa que combina formación presencial, acompañamento personalizado e unha plataforma en liña gratuíta que permite aprender desde o nivel máis básico ata contidos máis avanzados, con vídeos, contidos interactivos e exercicios prácticos.
O noso obxectivo é contribuír á igualdade de oportunidades no acceso á tecnoloxía, e responder simultaneamente á fenda competencial e á de acceso, promovendo entre as persoas maiores un uso autónomo da tecnoloxía, con seguridade e confianza.
Aprende desde cero ata niveis avanzados con vídeos, contidos interactivos e exercicios prácticos!
Cursos presenciais de Igualdade Dixital
Para todas aquelas persoas que necesitan un apoio presencial, lanzamos unha oferta de 83 cursos presenciais e gratuítos abertos á cidadanía nos Espazos +60 de Afundación en toda Galicia en abril e maio. A oferta de cursos está baseada no itinerario de Igualdade Dixital.
Esta oferta ten continuidade durante todo o ano para os socios do Espazo +60 Afundación, pero agora calquera persoa maior ten a oportunidade de participar gratuitamente sen necesidade de facerse socia.
Inscríbete no formulario: https://forms.gle/iRR9vZVrfyXghDuR6
Con esta plataforma lanzamos unha oferta de contidos gratuítos adaptados ao novo perfil maioritario de persoas maiores dixitalizadas, que xa teñen acceso a internet e correo electrónico.
Accede á oferta de cursos en https://aulavirtual.afundacion.org/igualdad-digital/
- Recursos interactivos con explicacións sinxelas, vídeos de apoio e exercicios prácticos.
- Contido centrado en utilidades prácticas.
- Desde nivel básico ao avanzado, desde “Empeza dende cero” ata a “Intelixencia artificial”.
- Contidos dispoñibles para Android e iOS.
- Acceso sinxelo mediante rexistro con correo electrónico.
- Accesible para persoas que desexen formarse de maneira autónoma.
- Para mentores dixitais que queiran utilizar estes recursos para formar a persoas maiores do seu contorno familiar.
- Dispoñible como recurso formativo para entidades que traballan na formación de persoas maiores.