Curso de Historia da Arte. CM de Vigo

O Centro de Maiores Afundación de Vigo organiza un curso de Historia da Arte, «Primeira metade do século XX, ruptura, diversidade e transformación» na Sala de Conferencias do Teatro Afundación de Vigo (entrada pola porta de acceso á Biblioteca) todos os mércores desde o 5 de outubro ao 21 de xuño de 2017. 

 

Este curso impartido pola doutora en Belas Artes, Marta Riera Táboas, ten como obxectivos aproximar o coñecemento da arte a un grupo non especialista na materia, promovendo a curiosidade e participación, e pór en valor as obras da Colección de Arte Afundación, con sesións realizadas in situ sobre un artista ou movemento específico, contextualizando as obras co momento en que foron creadas.

 

CONTIDO. BLOQUES

1. Entre a experimentación formal e a utopía da arte total

A superación do Impresionismo: Investigación formal en Cezanne / Tolouse Lautrec e o cartelismo / O Modernismo catalán. Els 4 Gats / Unha imaxinación desbordante: Gaudí / Prensa ilustrada na España finisecular   

 

2. As vangardas e o mito do novo

Modernidade fronte a tradición / Mattisse e as feras / Cubismo. Unha (re)presentación intelectualizada da forma / Paralelismos: Delaunay, Leger, Picabia, Duchamp / Escultura. Un novo diálogo entre figura e espazo / O Expresionismo como constante na arte / Munch, Ensor, Kokoschka / Expresionismo alemán / Die Brüke / Der Blauer Reiter / Kandinsky / Arte e denuncia. Otto Dix, George Grosz / O Futurismo italiano: rebeldía e velocidade / Dadaísmo e Surrealismo. Dalí, Magritte, Giorgio de Chirico / Inclasificables: Picasso, Chagall, Balthus, Modigliani, Rosseau… / De Stijl. Mondrian e o Neoplasticismo. Theo Van Doesburg / A arte total da Bauhaus / Arquitectura moderna. Técnica e función / O binomio arte-moda. Sonia Delaunay / Art Déco: estilo ou eclecticismo?

 

Horario

18.00 a 19.30 h.