Curso de Intelixencia Artificial para Maiores (Nivel Básico-Medio) - Espazo +60 Ferrol

O Espazo +60 Ferrol acolle un novo curso de intelixencia artificial de nivel básico-medio, impartido polo profesor especializado Tino Fernández Cueto.

Esta formación, cunha duración total de 10 horas, está dirixida a persoas que xa tiveron un primeiro contacto coa intelixencia artificial e desexan seguir afondando nos seus coñecementos. O obxectivo é avanzar con seguridade neste ámbito e descubrir aplicacións útiles na vida cotiá.

O curso desenvolverase os luns 20 e 27 de abril, e 4, 11 e 18 de maio, en horario de 10:30 a 12:30 horas.

A actividade ten un custo de 30 euros e conta con 20 prazas dispoñibles.

É necesaria inscrición previa, que poderá realizarse a partir do 13 de abril de 2026 chamando ao Espazo +60 Ferrol (981 33 32 78).