Conferencia con CARLOTA SÁNCHEZ-MONTAÑA. Money, money, en Vigo
Carlota Sánchez-Montaña tráenos a conferencia sobre Economía "Money, money", no marco do ciclo Educación s. XXI. O 22 de marzo na Sede Afundación de Vigo, a experta explicará para a mocidade de 3º, 4º ESO, Bacharelato e CF a importancia de aprender a manexarse con información e responsabilidade no mundo das finanzas. Xestionar diñeiro é algo que absolutamente todo o mundo ten que facer ao longo da súa vida, e o xeito en que se faga, determinará o transcurso das circunstancias, para ben ou para mal.
Esta conferencia pretende abordar a forma de adquirir unha conduta financeiramente responsable, baseada en tres eixes: a xestión dos propios cartos, a elección de produtos financeiros e a planificación do futuro.
Carlota lémbranos que o diñeiro non é un fin en si mesmo, polo que nos falará sobre os mitos a desterrar para poder vivir a vida que cada persoa libremente escolla.
CICLO EDUCACIÓN S. XXI
Un programa de conferencias para dar a coñecer as últimas tendencias, estudos e teorías sobre Educación a toda a comunidade escolar, desde as familias ao propio estudantado e, por suposto, ao equipo docente. Grandes especialistas xa pasaron polos nosos edificios nas distintas cidades galegas, ofrecendo o seu enfoque profesional para apoiar a educación desde a casa e desde a escola.
MÁIS INFO AQUÍ.