Conferencia EDUCACIÓN S.XXI con JERO GARCÍA «Sport vs. Bullying», na Coruña

O xoves 21 de novembro, JERO GARCÍA, presidente da Fundación FAID-Jero García de axuda á integración a través do deporte, ofrece dous encontros con motivo do ciclo EDUCACIÓN S. XXI na Sede Afundación da Coruña. O primeiro deles, dirixido a escolares, será ás 11.00 h, e o segundo pase para público xeral, pola tarde, ás 19.00 h.

 

Jero García, que viviu o acoso en primeira persoa, compartirá a súa experiencia nesta conferencia. Co seu testemuño, invítanos a romper o silencio e a ser valentes, non só enfrontándonos ao acoso, senón denunciándoo. O seu relatorio é intenso, cheo de experiencias reais, e promete non deixar a ninguén indiferente.

 

Que é o bullying? É acoso escolar. Pode ser físico, psicolóxico ou verbal, e o seu obxectivo é facer dano de forma intencionada e repetida. Segundo estudos recentes, en España máis de 300.000 familias están afectadas polo acoso escolar, e o 50 % das vítimas tamén sofren ciberacoso.

 

Esta conferencia enmárcase dentro do programa CULTURA POR ALIMENTOS impulsado por Afundación, a Obra Social ABANCA, en colaboración coa Federación Española de Bancos de Alimentos para incrementar os recursos do banco de alimentos local. Convidamos todas as persoas que asistan a este evento a colaborar con esta campaña solidaria coa doazón de produtos non perecedoiros, que poderán depositar á entrada do recinto.

 

CICLO EDUCACIÓN S. XXI

Un programa de conferencias para dar a coñecer as últimas tendencias, estudos e teorías sobre Educación a toda a comunidade escolar, desde as familias ao propio estudantado e, por suposto, ao equipo docente. Grandes especialistas xa pasaron polos nosos edificios nas distintas cidades galegas, ofrecendo o seu enfoque profesional para apoiar a educación desde a casa e desde a escola. 

 

MÁIS INFO AQUÍ.