Conferencia "O empoderamento da aprendizaxe na nova educación" con Juan Domingo Farnós, en Santiago de Compostela

A nova educación do século XXI toma como referentes, centro e orixe de todo o que vai acontecer na formación ás e aos aprendices. A chegada do seu empoderamento e polo tanto do seu protagonismo e responsabilidade en todo o que xira arredor da súa vida e a educación é a parte principal.

Necesitamos coñecer todo este novo proceso, tanto o abano de posibilidades que se abren, as novas ferramentas tecnolóxicas que van necesitar no seu catálogo de habilidades e competencias, especialmente todo o que se refire á Intelixencia artificial, a cal vai determinar o futuro de polo menos tres cuartas partes da súa aprendizaxe e a súa relación posterior co mundo do traballo.

Juan Domingo Farnós é investigador, comunicador e divulgador de learning and Technologies, e-learning Mobile learning, educación, TIC, intelixencia artificial, evanxelizador da web 2.0 e moi coñecido no mundo da Rede e considerado como unha das 10 persoas máis influentes do mundo en learning and technology. Foi proposto pola UNESCO como Dr Honoris Causa pola súa contribución en todo o mundo de maneira desinteresada e pola súa axuda xenerosa en temas de educación, tecnoloxías, etc.

Traballou como docente con alumnado con Necesidades Educativas Especiais: físicas e psíquicas, cos cales puido aplicar as Tecnoloxías da Información e a Comunicación e aspectos personalizados e de excelencia da Escola Inclusiva, sendo o primeiro docente en España que aplicou a Educación Inclusiva-TIC. 

Foi o introdutor do E-learning-Inclusivo, un E-learning que actualmente está recibindo a denominación de Elearning-Inclusivo, froito das súas investigacións e publicado internacionalmente en 2004. A Universidade de Cambridge utilízao desde entón e o Reino Unido cambiou a súa lexislación para levalo a cabo. Trátase dun sistema moito máis participativo, aberto e baseado no estudantado.

Conta cun Blog de investigación, análises-ideas, divulgación científica con máis de 38.000.000 de visitas de todo o mundo, ademais de ter publicado numerosos libros de investigación e ser recoñecido nas edicións periódicas máis recoñecidas internacionalmente. Diversas institucións e administracións públicas de orde mundial, recoñeceron o traballo de Farnós: participou en diferentes eventos e congresos da ONU, en diversos proxectos e programas da UE, coma o proxecto europeo Open Education Europa, onde traballou no deseño e implementación de políticas educativas abertas e accesibles, ademais da UNESCO, a Comisión Europea, Ministerios de Educación de España, A Arxentina ou México e fundacións ou organizacións non gubernamentais.

 

Aproveita para visitares a axenda web e saber de todas as propostas culturais que che ofrecemos ao longo do mes ou na nosa ticketeira Ataquilla.com para máis actividades escénicas.