Concurso de ideas arquitectónicas Plan como na casa
Afundación, a través dun convenio de colaboración coa Consellería de Política Social da Xunta de Galicia e ABANCA, convoca un concurso de ideas, aberto e con xurado, dirixido a arquitectos e arquitectas superiores, para seleccionar a mellor proposta para desenvolver os anteproxectos que permitan a construción de sete centros para a atención residencial de persoas en situación de dependencia, previstos no Plan como na casa da devandita consellería. A convocatoria inclúe tres premios para as mellores ideas: 9.000 para o gañador, 6.000 para o segundo e 5.000 para o terceiro, que serán patrocinados por ABANCA. Adicionalmente, Afundación premiará ao gañador/a do concurso cun contrato por importe máximo de 200.000 euros para a redacción dos 7 anteproxectos.
Este plan, Como na casa, ten previsto dotar as cidades con maior poboación, Vigo e A Coruña, de equipamentos de 150 prazas; en tanto que Ferrol, Santiago, Pontevedra, Ourense e Lugo, con edificios de 120 prazas.
Os referidos sete novos centros residenciais deberán partir dunha idea unitaria que permita, en cada emprazamento, definir un concepto moderno que teña en conta as tendencias do modelo da atención integral centrada na persoa, os avances arquitectónicos e tecnolóxicos e de prioridade ao benestar e a calidade de vida das persoas maiores que terán aquí o seu fogar. En xeral, estes espazos físicos deben contribuír a ofrecer un ambiente confortable e familiar.
Logo da modificación das bases do concurso, o prazo límite para a presentación de proxectos é o 28 de febreiro de 2019 ás 14.00 horas.
* Documento de terreos definitivo subido o 27 de decembro ás 14.00h.
* Bases modificadas publicadas o 14 de xaneiro de 2019
En caso de dúbida podedes enviarnos un correo a comonacasa@afundacion.org ou consultar as preguntas frecuentes.
Información da composición do xurado.