Concerto de MANUEL LÓPEZ, o pianista da man esquerda, en A Coruña

O 20 de xuño de 2026 ás 19.00 h, o Auditorio Sede Afundación A Coruña acolle a Manuel López, o pianista da man esquerda, nun concerto único dentro da súa nova Xira 2026.

 

Hai historias que se contan mellor a través da música e a de Manuel é unha delas. Tras enfrontarse a un ictus e máis de vinte anos de distonía focal (unha enfermidade que afecta ao control motor e que truncou a súa forma de tocar), atopou na súa man esquerda algo máis que unha solución: atopou unha nova voz. Dende entón, adapta e reimaxina obras concibidas orixinalmente para ambas as mans, e transforma cada concerto nun testemuño do que o amor polo piano pode lograr.

 

Neste concerto, a súa man esquerda percorrerá algunhas das paisaxes máis fermosas da música: dende a profundidade de Chopin ata o intimismo do Clair de Lune de Debussy, pasando polas páxinas románticas de Ludovico Einaudi, Yiruma, Michael Nyman e Ryuichi Sakamoto. A viaxe complétase coa música española de Albéniz e culmina coa esencia do flamenco a través de Paco de Lucía. Un percorrido, tan diverso como emocionante, que só alguén coa sensibilidade e a traxectoria de Manuel López pode trazar.

 

Podes visitar a axenda web e descubrir todas as propostas culturais que che ofrecemos ao longo do mes. Tamén podes entrar na nosa ticketeira ataquilla.com para informarte sobre outras actividades escénicas.