Concerto benéfico con DAVID RUSSELL polo 30 ANIVERSARIO DO BANCO DE ALIMENTOS DE VIGO

O xoves 22 de maio ten lugar no Teatro Afundación de Vigo o CONCERTO BENÉFICO POLO 30º ANIVERSARIO DO BANCO DE ALIMENTOS DE VIGO co prestixioso guitarrista David Russell. O artista de orixe escocesa e afincado en Nigrán, é gañador dun Grammy na categoría de mellor solista instrumental en música clásica. Únete á solidariedade!

 

Colle xa as túas entradas solidarias en Ataquilla.com

 

Ao asistires ao concerto tamén poderás colaborar cunha doazón de produtos non perecedoiros a través da nosa campaña solidaria CULTURA POR ALIMENTOS, precisamente, en colaboración cos bancos de alimentos locais. Infórmate!

• Suxerimos os seguintes alimentos de maneira prioritaria: conservas, leite, aceite de xirasol e alimentos infantís. Pregamos revisar a data de caducidade dos alimentos antes da súa doazón. 

 

O virtuoso da guitarra David Russell interpretará obras de grandes compositores como Isaac Albéniz, Francisco Selectos ou Francisco Tárrega. Tamén ofrecerá pezas de recente descubrimento como as do artista español Carlos García Tolsa e, algunha que outra sorpresa que farán gozar desta cita solidaria en maiúsculas.

 

A Fundación Provincial Banco de Alimentos fai 30 anos de actividade en Vigo. Apolíticos e aconfensionais desde 1995, o principal obxectivo desta entidade é loitar contra a fame e o malgasto alimentario. Actualmente, atende máis de 19 000 persoas na provincia e os seus esforzos pretenden cumprir un dos dereitos humanos máis fundamentais: o dereito a unha alimentación básica e suficiente.

 

Visita a nosa axenda web e decátate de todas as propostas culturais que che ofrecemos ao longo do mes. Tamén podes entrar en Ataquilla.com para informarte sobre outras actividades escénicas.