Concerto das letras en Pontevedra

O Concerto das Letras, promovido polo Consello da Cultura Galega, celebra este ano a súa quinta edición coa figura de Filgueira Valverde como protagonista do recital que terá lugar o 16 de maio no Auditorio Sede Afundación Pontevedra e que correrá a cargo da Real Filharmonía de Galicia, dirixida por Maximino Zumalave. O programa contará coa estrea dunha obra de encargo, sobre un poema de Filgueira Valverde, realizada por Xavier Paz. Soarán tamén cinco poemas de Cantares gallegos musicados polo compositor portugués Joly Braga Santos e catro cancións sobre textos de Curros Enríquez musicados por Xosé Castro, Chané.

Con entrada de balde ata completar a capacidade mediante retirada de invitacións nas nosas sedes: A Coruña, Lugo, Ourense, Vigo, Ferrol, Santiago de Compostela e Pontevedra.