Charla sobre o Festival Ilustrado de Ferrol - Espazo +60 Ferrol

Ferrol ten moito que amosar, e esta charla é a oportunidade perfecta para coñecer un dos eventos culturais máis especiais da cidade.

O Centro de Iniciativas Turísticas, Económicas e Sociais de Ferrol (CITES) ofrecerá unha charla informativa sobre o Festival Ilustrado de Ferrol, unha celebración cultural que rende homenaxe ao estilo de vida e á cultura do século XVIII, unha época de gran esplendor para a cidade.

Durante o encontro presentarase a V edición do festival, que terá lugar do 9 ao 11 de maio, e explicaranse as diferentes actividades que forman parte da súa programación: pasarrúas, bailes, visitas guiadas e outras propostas que permiten redescubrir a historia e o patrimonio de Ferrol dun xeito participativo e festivo.

A charla está dirixida a todas as persoas interesadas en coñecer mellor o evento, a súa orixe e como formar parte del.

Actividade gratuíta.
É necesaria inscrición previa ata completar a capacidade.

O prazo de inscrición está aberto desde o 4 de marzo ata o mesmo día da charla.

No Espazo +60 de Ferrol (981 323 378) ou no correo mais60ferrol@afundacion.org