Conmemoración do Día contra a violencia de xénero, Espazo +60 Viveiro

O Espazo +60 Afundación de Viveiro e o colexio Landro conmemorarán o vindeiro 25 de novembro o Día contra a violencia de xénero. Socios do centro lerán un conto infantil e realizarán un mural cos corazóns pintados polos alumnos de 1º e 2º de infantil. A actividade rematará coa solta de globos de cores desde os xardíns Noriega Varela.

Esta actividade desenvólvese no marco da iniciativa "O valor da experiencia" da área de Envellecemento Activo de Afundación, que ten como finalidade promover o papel activo dos maiores na sociedade e o voluntariado interxeracional.