Ciclo de concertos DO SILENCIO Á EMOCIÓN en Pontevedra
En colaboración coa Camerata Arven, presentamos na Sede Afundación Pontevedra o ciclo de concertos «Do silencio á emoción», co propósito de invitar a redescubrir a música clásica dun xeito diferente, rompendo barreiras entre público e artistas e cunha conxunción multidisciplinar, en que a danza, a pintura, a literatura ou o teatro se fusionan coa música. Con catro concertos programados, o primeiro dos recitais terá lugar o 24 de marzo no Auditorio da Sede Afundación Pontevedra.
As entradas están dispoñibles en Ataquilla.com
Neste concerto, un grupo de persoas poderán compartir escenario coa propia agrupación, podendo vivir unha experiencia única.
Director: David Fiuza Souto
Duración: 1 h 10 min
Idades a partir de 7 anos
PROGRAMA 1
RUBÉN MARTÍNEZ VARELLES
Anrewerna Obertura. Op. 16
GUSTAV MAHLER (1860-1911)
Sinfonía nº 1 en re menor, “Titán”
I. Langsam, schleppend
II. Scherzo: Kräftig bewegt, doch nicht zu schnell
III. Trauermarchs: Feierlich und gemessen, ohne zu schleppen.
IV. Stürmisch bewegt
«Do silencio á emoción»
É un ciclo de concertos que invita a descubrir a música clásica desde un punto de vista diferente ao habitual, rompendo barreiras entre público e artistas, cunha programación integrada noutras artes escénicas como a danza, a pintura, a literatura ou o teatro. Ao inicio de cada concerto farase un breve repaso sobre a historia do repertorio dunha maneira próxima que permita desfrutar moito máis do que a continuación se escoitará e no cal o público poderá participar preguntando calquera curiosidade sobre a música, os instrumentos ou a agrupación. A outra novidade de achegar a música ao oínte é dunha maneira máis literal, e será dando a oportunidade a un grupo de persoas de compartir escenario coa propia agrupación, podendo vivir a experiencia de sentar tan preto que poderá ter contacto coa partitura, a agrupación e o resto do público. E todo iso, con catro concertos.
O primeiro deles, a Camerata Arven e o Ballet de Galicia (Diego Landín) farán desfrutar a través da música e a danza do Carnaval de los animales. No segundo poderase desfrutar da estrea de Anrewerna Obertura, dedicada á Camerata Arven, do compositor Rubén Martínez Varelles, ademais da Sinfonía n.º 1, de G. Mahler, en versión de 14 instrumentos, baixo a dirección do mestre David Fiuza. O terceiro será un programa para mocidade de 0 a 100 con, entre outras, a obra O neno de pau (Toni Cantal), un conto baseado na historia de Pinocho con debuxos en vivo realizados polo artista Marc Taeger. No último concerto do ciclo sacarase á luz a incrible música de cámara dos grandes compositores no esquecemento da programación das grandes producións e que, paradoxalmente, son a esencia da música.
CALENDARIO DE CONCERTOS
24 MAR | Camerata Arven e Ballet de Galicia | El carnaval de los animales
24 ABR | Camerata Arven. Director David Fiuza | Anrewerna Obertura de Rubén Martínez Varelles e Sinfonía n.º 1 de G. Mahler
26 MAI | Camerata Arven | O neno de pau de Toni Cantal
12 XUÑ | Camerata Arven | música de cámara
Este ciclo está incluído no programa solidario de Afundación CULTURA POR ALIMENTOS, mediante o cal a entidade invita todas as persoas que asistan a estes espectáculos a colaborar con esta campaña solidaria. Trátase dunha iniciativa de apoio a Ucraína no marco do proxecto «Cultura por alimentos» que, a raíz do drama humanitario que se vive neste país, se implica tamén coas persoas refuxiadas e a súa cidadanía. Convidamos as persoas asistentes ao acto a que, seguindo as recomendacións das entidades que están a traballar sobre o terreo, entreguen prioritariamente alimentos precociñados e latas de conserva, alimentos infantís, produtos hixiénico-sanitarios infantís e femininos e medicamentos e material de primeiros auxilios, que poderán depositar á entrada do recinto nos colectores dispostos para este fin.
AQUÍ máis información.
