Concerto BUTACA DE JAZZ: MAGALÍ SARE & MANEL FORTIÁ, na Coruña

BUTACA DE JAZZ cumpre cinco anos, un aniversario que celebramos traendo tres propostas diferentes e de calidade indiscutible. A Sede Afundación da Coruña acolle desta volta o talento de Magalí Sare & Manel Fortiá, Eva Fernández e o galego Manuel Gutiérrez. Tres concertos para vivir a boa música ao longo dos meses de outono. Acomódate na túa butaca e desfruta.

Colle xa as túas entradas en Ataquilla.com

A túa entrada é solidaria! A recadación de Butaca de Jazz irá destinada integramente ás persoas damnificadas pola DINA.

MAGALÍ SARE & MANEL FORTIÀ

SÁBADO 30 NOV 

Este proxecto foi seleccionado en WOMEX 23, EXIB 2023 e nominado aos Upbeat Talento Awards. O traballo de Magalí Sare & Manel Fortià destaca coma un dos mellores do 2023.

Sorprenden pola súa química que crean entre o contrabaixo e a voz, soando coma unha soa persoa. Xogan de xeito que o público se centra en cada movemento, en cada nota. Á Magalí e ao Manel gústalles redefinir os seus límites, non son previsibles aos concertos en directo, e arríscanse moito para incrementar a calidade das súas actuacións e ofrecer un espectáculo diferente. O público namora da voz dúctil e poliédrica e a interpretación de Magalí Sare con xiros inesperados.

O seu último disco “reTORNAR” ofrécenos un repaso de diferentes cancións latinoamericanas e catalás, coñecidas e difíciles de recoñecer ao primeiro, Desde unha perspectiva aberta, fusionando diferentes estilos e ofrecendo ao ritmo un papel protagonista, Magalí e Manel amósannos o seu enorme potencial.

MAGALÍ SARE

Naceu nunha familia de músicos, e comezou axiña a experimentar coa música e o canto. Durante a súa infancia e adolescencia, estivo cantando nunha coral dirixida pola súa irmá. Esta experiencia levouna a crear Quartet Mèlt, o seu primeiro grupo que gañou un programa de televisión denominado Happy Day e fixeron a súa primeira xira profesional.

Compaxinou os estudos de canto jazz con Quartet Mèlt, dado que quería ampliar o seu estilo, descubrir outras maneiras de cantar e comezar a atopar a súa personalidade.

Magalí destaca pola súa técnica e expresión. É unha cantante dúctil, multifacética, con moitos matices e impredecible. Magalí Saré ten unha traxectoria que destaca pola súa versatilidade, posto que participou como cantante coa coñecida pianista Clara Peya, Quartet Mèlt e publicó 3 discos como cantante e compositora e 2 discos con Manel Fortià. Todos eles son diferentes en xénero e estilo.

Actualmente, está de xira con Salvador Sobral e co proxecto de Manel Fortià e Esponja. Ademais, imparte clases no Liceo de Barcelona para as xeracións futuras.

MANEL FORTIÀ

Encántalle aprender e sempre mellorar. É por iso que comezou a tocar cos mellores músicos do jazz. Compartiu escenario con Dave Liebman, Chris Cheek, Eliot Zigmund, Bill McHenry, Ario Hoenig, Arturo O’Farrill, Chano Dominguez, Stephane Belmondo, Scott Hamilton, Dena Derose, entre outros moitos.

Participou ademais de 60 álbumes como colíder e como sideman, entre eles "Estándares" (2022) co pianista premiado cun Grammy Chano Domínguez e Antonio Lizana, "Tornaviaje" (2022) con Gonzalo Del Vale Cuarteto con Raynald Colom e Romain Pilon, “Bulería Brooklyniana” (2018) co trío Marqués/Fortià/Pannier e “My Old Flame” (2015) a dúo con Marco Mezquida.

Manel estivo a vivir un periodo de tempo en Nova York desde o 2019 ata o 2021 e esta experiencia influíu na súa música e perspectiva. Naquela época, Manel tivo a oportunidade de coñecer diferentes culturas, intercambiar novos sons, identidades que lle permitiron medrar de maneira profesional e crear fusións musicais imaxinarias.

CALENDARIO

Aproveita para visitares a axenda web e saber de todas as propostas culturais que che ofrecemos ao longo do mes e tamén na nosa ticketeira Ataquilla.com para outras actividades escénicas.