Ballet de San Petersburgo con A bela dormente. Pontevedra
Chega á Sede Afundación de Pontevedra o gran espectáculo A bela dormente, Premio ao Mellor espectáculo de Danza Teatro de Rojas de Toledo 2018. O reputado Ballet de San Petersburgo pon en escena o clásico de Chaikovsky, con coreografía de Marius Petipa e con adaptación, neste caso, de Andrey Batalov.
As túas entradas en www.ataquilla.com
Música: Piotr Chaikovsky
Coreografía: Marius Petipa (adaptación de Andrey Batalov)
Baseado no conto de Ch. Perrault
Deseño de decorado: Evgeniy Gurenko
Ballet en 3 actos con prólogo. Un descanso. Duración 2 horas, 15 min
O Ballet de San Petersburgo tráenos a fantástica historia da princesa Aurora, enfeitizada pola malvada bruxa Carabós ao non ser convidada polos reis ao bautizo da princesa.
A Bela Dormente de Piotr Tchaikovsky é a obra máis grandiosa do ballet clásico universal. Nas versións do Ballet Mariinskiy de San Petersburgo participan máis de 200 artistas en escena. Son tres actos con grandes bailes do palacio real: o bautizo da princesa Aurora, celebración do seu 16 aniversario e a voda, e tamén o soño da protagonista. Á gran festa da voda da Princesa Aurora, á parte dos cortesáns, están convidados moitos personaxes dos contos de Charles Perrault.
Un espectáculo con magníficos solistas internacionais e espectacular escenografía de Eugeny Gurenko. A Bela Dormente do Ballet de San Petersburgo de Andrey Batalov está galardoada co premio Teatro de Rojas edición XXVII como Mellor Espectáculo de Danza 2018.
A COMPAÑÍA
O Ballet Clásico de San Petersburgo é a compañía fundada polo solista principal de Mariinskiy Ballet - Andrey Batalov (Director Artístico e Coreógrafo) e por Andrey Scharaev (Director Xeral). O seu repertorio inclúe versións clásicas dos ballets O Lago dos Cisnes, O Crebanoces, A Bela Dormente, Giselle, Don Quixote, Chopiniana e tamén as coreografías contemporáneas creadas por Alexey Miroshnichenko, Emil Faski e outros.
O director artístico do Ballet de San Petersburgo Andrey Batalov é un dos máis condecorados bailaríns rusos: en 1996 gañou concursos en París (Medalla de Ouro) e Nagoya (Medalla de Ouro), en Budapest (Primeiro premio e especial premio Nuriev) e en Arabesk- Perm (Primeiro Premio e Premio Mikhail Baryshnikov), e foi Grand Prix na Competición Internacional de Ballet en Moscova (1997). Andrey Batalov terminou a súa formación en 1992 na Academia de Ballet de San Petersburgo Vaganova. Entre 1992 e 1994 foi solista do Ballet do Teatro Mikhailovskiy de San Petersburgo e desde 1994 ata a actualidade é solista principal do Ballet Mariinskiy. Tamén foi solista do Real Ballet Danés (2000-2002).
O Ballet de San Petersburgo de Andrey Batalov, polo seu espectáculo O Lago dos Cisnes, tamén foi galardoado como mellor espectáculo de danza (2015) nos XXIV Premios Teatro de Rojas e polo espectáculo A Bela Dormente galardoado nos premios Teatro de Rojas XXVII edición como mellor espectáculo de danza 2018.
