FESTIVAL ARTES ESCÉNICAS SPECIAL OLYMPICS GALICIA, en Santiago de Compostela

A Asociación ASPADEZA participará no festival Special Olympics o 7 de maio ás 19.00 h no Auditorio Abanca de Santiago de Compostela e presentará ArteAspadeza: un espectáculo de teatro, baile e percusión, composto por catro actuacións que reflicten o traballo, a creatividade e o talento dos seus socios e socias.

 

Consigue as túas entradas de balde en Ataquilla.com.

 

O evento arrancará con Terra, unha actuación musical de percusión elaborada con elementos de reciclaxe, a cargo de Karina Taboada Lamas, Sonia Hermida Calvo, Sandra Taboada Lourido e Rosa González Espantoso.

 

A continuación, representarase a obra de teatro Rebelión na taberna, unha peza que recrea unha taberna de aldea onde os veciños argallan un plan para evitar que dúas forasteiras con ideas modernas lles arrebaten a tranquilidade. Nela participarán Rosa González Espantoso, Manuela Donsión Matanzas, Adrián Fernández Silva, Eva Guzmán Perdigao, Manuel García González, Verónica Basalo González, Nerea Pedreira Pena, Sandra Taboada Lourido, Mercedes Méndez Couso, Mª Jesús Lorenzo García, Rosa Mª Fernández Iglesias, Sonia Hermida Calvo, Felipe Montoto Quinteiro, Tania González Varela, Orlando Villar Carral e José Antonio Villamayor Fuentes.

 

O terceiro momento da noite será un baile grupal ao ritmo do merengue, protagonizado por Karina Taboada Lamas, Vanesa Fernández Taboada, Eva Guzmán Perdigao, Mario Cajide Castro, Adrián Fernández Silva e Manuel García González.

 

Para pechar o espectáculo, proxectarase o vídeo musical Que siga el festival, unha peza con imaxes do día a día de todos os usuarios e usuarias da entidade, como homenaxe á comunidade que fai posible este proxecto.

 

Para obter máis información sobre o resto de actuacións do Festival Special Olympics, consulta o cartaz que figura máis abaixo. E para coñecer os nosos espectáculos, consulta a axenda web ou accede a Ataquilla.com.