Teatro LOS LUNES AL SOL, en Vigo

Los lunes al sol chega á Tempada de Abonos de Teatro 2026 de Afundación coma unha das propostas máis conmovedoras e necesarias do panorama escénico actual. A obra poderá verse o 29 de xaneiro no Teatro Afundación de Vigo, nunha coidada adaptación teatral do célebre texto de Fernando León de Aranoa e Ignacio del Moral, dirixida por Javier Hernández-Simón.

 

Entradas á venda en Ataquilla.com

 

Colabora co noso proxecto solidario CULTURA POR ALIMENTOS, traendo unha doazón de produtos non perecedoiros para axudar os bancos de alimentos locais. Infórmate!

 

VERSIÓN | Ignacio del Moral e Javier Hernández-Simón

DIRECCIÓN | Javier Hernández-Simón

ELENCO | Mónica Asensio, Marcial Álvarez, José Luis Torrijo, Fernando Cayo, Fermi Herrero, Fernando Huesca, César Sánchez, Lidia Navarro

PRODUCIÓN | GG Producción Escénica e Teatro del Nómada

 

Baseada na inesquecible película gañadora da Cuncha de Ouro no Festival de San Sebastián, Los lunes al sol sitúanos perante un grupo de homes e mulleres que quedaron á marxe do sistema laboral e social. A través de personaxes tan próximos como Santa, José, Lino ou Amador, a obra retrata con honestidade e humanidade a perda do traballo, a erosión da identidade e a identidade e a loita por manter a dignidade cando o mundo segue a avanzar sen agardarte. 

Lonxe do vitimismo, esta montaxe ofrece unha ollada fonda e solidaria sobre a amizade, o apoio mutuo e a necesidade de recoñecérmonos nos outros para seguir adiante. Unha historia de resistencia cotiá que interpela o espectador e convídao a reflexionar sobre a xustiza social, o valor da comunidade e a esperanza, mesmo nos intres de maior incerteza.

Cun elenco de primeira orde e un sólido equipo artístico, Los lunes al sol convértese nunha cita imprescindible para o público que busca un teatro comprometido, emocionante e de gran calidade.

 

A Tempada de Abonos Afundación ofrece cada ano en Vigo unha selección das mellores montaxes teatrais da escena española. Podes optar por adquirir o abono completo, que permite gozar de todas as representacións a un prezo reducido, ou por mercar entradas individuais.

 

CALENDARIO

• LOS LUNES AL SOL | xoves, 29 XAN

• YO SOLO QUIERO IRME A FRANCIA | xoves, 12 FEB

• LA MÚSICA | xoves, 12 MAR

• LA MUJER ROTA | domingo, 22 MAR

• MEJOR NO DECIRLO | xoves, 16 ABR

• QUERIDA AGATHA CHRISTIE | xoves, 7 MAI

• INMADUROS | xoves, 11 XUÑ 

 

Non perdas nada da nosa programación consultando a axenda. E para máis espectáculos, agardámoste en Ataquilla.com.