Obra de teatro INMADUROS, en Vigo

O 11 de xuño ás 20.30 h, o Teatro Afundación Vigo acolle Inmaduros, unha comedia que nos invita a rir desa inmaturidade que, dun xeito ou outro, todo o mundo leva dentro. Esta obra, escrita por Juan Vera e Daniel Cúparo, adaptada e dirixida por Juan Luis Iborra (responsable de series como Aquí no hay quien viva ou La que se avecina) e producida por Arequipa Producciones, chega cun elenco de luxo encabezado por Carlos Sobera e Ángel Pardo.

 

A Tempada de Abonos Afundación de Vigo ofrece cada ano unha selección das mellores montaxes teatrais da escena española. Podes optar por adquirir o abonamento completo, que permite gozar de todas as representacións a un prezo reducido, ou por mercar entradas individuais.

 

Alfi e Fideo son amigos de toda a vida, pero non poden ser máis diferentes. Alfi é publicista, está separado e é alérxico a calquera compromiso afectivo. Fideo é un psiquiatra conservador e leva casado durante máis de vinte e cinco anos coa súa primeira moza. Cando Fideo se separa e aparece na casa de Alfi en busca de consolo, este pon en marcha un plan para presentarlle mulleres que o afasten da melancolía. O que ningún dos dous agarda é que esas mulleres —catro reais e unha virtual, interpretadas por Elisa Matilla, Lara Dibildos, Silvia Vacas e Arianna Aragón— acaben revelándolles o lugar central que o feminino tivo sempre nas súas vidas e, sobre todo, a verdadeira forza da súa amizade.

 

Inmaduros é alta comedia, teatro do absurdo e vodevil en estado puro. Unha obra que fai pensar mentres divirte e que demostra que a comedia, cando se fai ben, é algo moi serio.

 

Esta tempada formamos parte do programa solidario Cultura por Alimentos. Convidámoste a colaborar traendo produtos non perecedoiros ás funcións, que poderás depositar na entrada do teatro para a súa doazón aos bancos de alimentos locais. A túa ilusión compartida móvenos!

 

Podes visitar a axenda web e descubrir todas as propostas culturais que che ofrecemos ao longo do mes. Tamén podes entrar na nosa ticketeira Ataquilla.com para informarte sobre outras actividades escénicas.