Teatro EL ELECTO en Pontevedra

Xa podes coller as entradas soltas en Ataquilla.com para asistires ás funcións de teatro incluídas na TEMPADA DE ABONOS DE TEATRO AFUNDACIÓN 2022.

de RAMÓN MADAULA | dirección e adaptación CÁNDIDO PAZÓ

con FERNANDO CORONADO e ANTONIO MOURELOS

Unha comedia sobre os efectos da política e as terapias psiquiátricas. Política contra ciencia, conciencia contra aparencia, poder contra poder.

A punto de dar o seu discurso de investidura, un presidente de goberno acabado de elixir enfróntase a un inesperado problema: un grotesco tic nervioso ameaza con arruinar tan solemne momento. Un psiquiatra acode para atendelo e iníciase unha divertida e incisiva batalla dialéctica entre os dous. Que esconde cadaquén? Cales son as verdadeiras intencións dun e outro? Que feitos da nosa vida marcan o noso futuro e, sobre todo, a nosa vocación?

Sempre me desacougou saber cales son as motivacións reais que levan alguén a ser presidente do seu país. Unha responsabilidade que evitariamos a maioría da cidadanía. Sospeito que ademais da ambición de poder ou das ansias lexítimas de mellorar o mundo hai outros motivos que quizais nin o mesmo candidato coñece. A partir desta premisa inventei El electo, unha ficción sobre un Presidente que o día do seu discurso de investidura descobre os verdadeiros motivos que o trouxeron a onde o trouxeron.

Ramón Madaula

Esta función enmárcase en Cultura por Alimentos, un programa solidario en colaboración coa Federación Española de Bancos de Alimentos, co obxectivo de contribuír, a través de doazóns, a incrementar os recursos dos Bancos de Alimentos de Galicia.

Convidámosvos a todas as persoas que asistades a este espectáculo a colaborar traendo produtos non perecedoiros, que poderedes depositar á entrada do teatro.

Entra aquí e infórmate!