Teatro MILES GLORIOSUS, en Vigo
Xa podes coller as entradas soltas en Ataquilla.com para asistires ás funcións de teatro incluídas na TEMPADA DE ABONOS DE TEATRO AFUNDACIÓN 2023.
1 h 40 min | Castelán | Maiores 14
dirección | PEP ANTÓN GÓMEZ
versión | ANTONIO PRIETO
elenco | CARLOS SOBERA, ÁNGEL PARDO, ELISA MATILLA, SILVIA VACAS, JUANJO CUCALÓN, DAVID TORTOSA, ANTONIO PRIETO, ARIANNA ARAGÓN
produción | Festival de Teatro Clásico de Mérida e Arequipa Producciones
Miles é un prototipo de home que nos resulta moi familiar. Deixando de lado a súa condición de militar, invicto por suposto, Miles é un tipo empoderado, fantoche, pagado de si mesmo, narcisista e obsesionado co sexo. Cre firmemente que todas as mulleres o adoran e pretende a todas. Vive en Éfeso xunto a Cornelia, unha bela princesa da que pensa, bebe os ventos por el, esquecendo o pequeno detalle de que a ten secuestrada... Mais a situación pode dar unha volta radical. O criado de Miles, farto do seu xefe perturbado, decide axudar a rapaza e, así, de paso, traza un brillante plan para escarmentalo coa axuda da veciñanza.
Esta tempada enmárcase en CULTURA POR ALIMENTOS, un programa lanzado por Afundación Obra Social ABANCA, en colaboración coa Federación Española de Bancos de Alimentos, co obxectivo de contribuír a través de doazóns a incrementar os recursos dos Bancos de Alimentos de Galicia. Convidámosvos a todas as persoas que asistades ás funcións a colaborardes con esta campaña solidaria, achegando produtos non perecedoiros que se poderán depositar á entrada do teatro.
