Visita Guiada - Exposición PICASSO PROTAGONISTA

Faremos unha visita guiada pola exposición PICASSO PROTAGONISTA. Viñetas no cómic español contemporáneo.

Nela analízase a pegada do gran artista a través de corenta autorías destacadas do cómic español e galego, que despregan a súa creatividade en máis de cento setenta pezas, en diferentes soportes e técnicas, moitas delas concibidas ad hoc para a exposición. Trátase dun proxecto diferente sobre Picasso, co que salientamos o valor artístico da banda deseñada a través de nomes de referencia como David Rubín, Cynthia Alonso, Paco Roca, Eneko ou María Herreros, entre moitas outras autorías.

A visita terá unha duración de 1 hora e realizarase na Sala de Exposicións Afundación, Praza Maior, nº 4.

Anótate antes do 20 de outubro no Espazo +60 de Ourense chamando ao 988 236 303 ou a través do formulario facendo clic aquí.

Para máis información consulta a nosa web: https://www.afundacion.org/es/agenda/evento/exposicion-picasso-protagonista