Socios do Espazo +60 de Betanzos participan no programa interxeracional "Radioencontro. A experiencia conta"

Socios e socias do Espazo +60 participarán na xornada de encontro de organizacións participantes no programa "Radioencontro, a experiencia conta" promovido por Voluntariado Galego da Xunta de Galicia. O acto terá lugar no salón de actos do Centro de Innovación Cultural da Cidade da Cultura de Galicia en Santiago de Compostela. No acto proxectaránse audiovisuais dos distintos programas de radio realizados en diversas localidades, mesas redondas e coloquios con participantes.

Un grupo de persoas voluntarias do Espazo+60 Betanzos participou nos obradoiros de radio interxeracionais en colaboración cun grupo de mozos e mozas de Cruz Vermella Betanzos, realizando varios programas radiofónicos en colaboración.

O acto tamén contará coa presenza dun grupo de persoas maiores voluntarias do Espazo +60 Ferrol que participaron no programa interxeracional de Afundación "Fálame da emigración" en colaboración co IES Saturnino Montojo.

Estas actividades desenvolvense no marco da iniciativa "O valor da experiencia" da área de Envellecemento Activo de Afundación, que ten como finalidade promover o papel activo dos maiores na sociedade e p voluntariado interxeracional.