Grupo co-creación no Espazo +60 Ourense!

A actividade consiste na creación dun grupo de co-creación no Espazo +60 de Ourense. O obxectivo é promover a participación activa das persoas maiores na definición e deseño de novas propostas e proxectos relacionados co envellecemento activo.

Durante os encontros iniciais, identificaranse as necesidades, intereses e motivacións das persoas participantes, e elaboraranse propostas conxuntas que reflictan esas inquedanzas. A partir de 2026, o grupo de co-creación reunirase cunha periodicidade mensual para continuar desenvolvendo e avaliando iniciativas.

Datas dos encontros iniciais:

• Mércores, 12 de novembro ás 16:45 h
• Xoves, 13 de novembro ás 10:00 h

Lugar: Espazo +60 Ourense

Inscricións: ata o 7 de novembro, no Espazo +60 de Ourense (tel. 988 23 63 03) ou a través do formulario en liña.

Obxectivos principais:

• Fomentar a participación das persoas maiores na planificación das actividades do Espazo +60.
• Recoller opinións, ideas e propostas sobre novos proxectos e materiais.