Axenda

Diálogos sobre Lonxevidade e Envellecemento – Coas Dras. Ana María Cuervo e Isabel Fariñas

Diálogos sobre Lonxevidade e Envellecemento – Coas Dras. Ana María Cuervo e Isabel Fariñas

Diálogos sobre Lonxevidade e Envellecemento - Cuando o cerebro envellece: retos e esperanzas

Un ciclo divulgativo e científico no que, da man de expertos e expertas de primeiro nivel, abordaremos de maneira accesible e amena diferentes aspectos da investigación científica que nos axudan a entender mellor o envellecemento desde unha perspectiva multidimensional, así como os factores cotiáns e sociais que inflúen en como vivimos e envellecemos, e sobre os que podemos incidir de maneira directa.

Os Diálogos organízanse en tres niveis complementarios:

  • Encontros con personalidades científicas do ámbito da bioloxía, demografía, economía, psicoloxía, socioloxía, medicina, etc., coas que falaremos sobre os últimos avances e perspectivas sobre a lonxevidade e o envellecemento e as súas implicacións para a sociedade. Celebraranse en Santiago de Compostela en colaboración coa Fundación IDIS e Collado Lab.

  • Conversas con profesionais da saúde e do benestar, que aplican o coñecemento científico para promover unha vida máis longa e saudable. Terán lugar en diferentes sedes de Afundación en colaboración coa Sociedade Galega de Medicina e outras entidades.

  • Obradoiros nos Espazos+60, onde as persoas maiores son protagonistas e contribúen a construír unha cultura do envellecemento activo. Desenvolveranse nas 11 localidades nas que se atopan estes centros, con accións directamente realizadas por profesionais de Afundación ou en colaboración con outras entidades sociais.

    Neste nivel, nos Espazos+60 de Afundación lévase a cabo o programa psicoeducativo sobre saúde cerebral “Como funciona o meu cerebro”. Nel abórdanse os cambios naturais e patolóxicos que se producen no cerebro co paso do tempo, os factores de risco e de protección da saúde cerebral e cuestións prácticas relacionadas con funcións cognitivas como a memoria ou a atención.

DIÁLOGOS ANTERIORES EN AFUNDACIÓN TV

Accede ao primeiro diálogo: “É posible reverter o envellecemento? Pode ser o futuro da saúde?” cos doutores Manuel Serrano e Manuel Collado.

Accede ao segundo diálogo: “Que papel xoga o sistema inmunitario no envellecemento saudable? Podemos reforzar as nosas defensas inmunitarias para envellecer con máis saúde?” cos doutores María Mittelbrunn e Manuel Collado.

Accede ao terceiro diálogo: “Pode a ciencia descubrir por que e como envellecemos? Servirá iso para ter un envellecemento máis saudable?” cos doutores Myriam Gorospe e Manuel Collado.

DIÁLOGO 24 DE OUTUBRO

As dúas científicas, a través dun diálogo conducido polo Dr. Manuel Collado, abordarán, entre outros aspectos, os cambios que ocorren de forma natural no noso cerebro a medida que envellecemos; a diferenza con aqueles cambios patolóxicos que derivan en enfermidades neurodexenerativas; os avances na investigación sobre o envellecemento que abren novas vías para tratalas e prevelas; e a evidencia sobre a capacidade de rexeneración do noso cerebro e as perspectivas que esta nos ofrece.

Por que algunhas enfermidades neurodexenerativas son máis comúns na vellez? Teremos cura para enfermidades como o alzhéimer e o párkinson? Pode o cerebro adaptarse a novas situacións e rexenerarse? Que é a autofaxia e cal é a súa relación co sono?

ANÓTATE A TRAVÉS DESTE FORMULARIO