55 CONCURSO DE BELÉNS AFUNDACIÓN

Despois de 54 anos consecutivos levando a cabo o Concurso de Beléns cun mesmo formato e coa mesma implicación na celebración do Nadal e na cidade de Vigo, queremos manter o noso compromiso con esta iniciativa, adaptándoa ás circunstancias actuais da pandemia; para iso, lanzamos a presente convocatoria de fotografías dos Beléns, isto é, presentaranse a concurso só imaxes dos traballos. Así pois, a exposición de Beléns nesta edición realizarémola de xeito virtual, a través desta páxina web, valorándose outras canles de divulgación que as circunstancias permitan. A participación no Concurso iniciarase o 6 de novembro de 2020 ás 00:00 h e finalizará o 27 de novembro de 2020 ás 23.00 h. Premiaremos a creatividade, claridade na mensaxe solidaria e mellor execución. 

 

PECHADO O PERÍODO DE INSCRICIÓN

 

A inscrición formalizarase cubrindo o formulario e axuntando 3 imaxes do Belén en jpg de 3 MB como peso mínimo: fotografía xeral de fronte, fotografía xeral dun lateral, detalle a elixir.

 

Poderán participar neste Concurso todas aquelas persoas físicas individuais e maiores de idade, ou os colectivos de persoas físicas que o desexen e que teñan residencia na Comunidade Autónoma de Galicia. Tamén teñen cabida, coa súa categoría específica, os colectivos menores de 16 anos. 

 

Establécense as seguintes categorías de Premios:

a) Categoría xeral

Maior creativade

Maior claridade na mensaxe solidaria

Mellor execución

Por cada unha das ditas categorías anteriores outorgaranse dous premios:

Gañador/ a cun premio de 300 €; finalista, 200 €

 

b) Categoría de Beléns elaborados por colectivos integrados por persoas menores de 16 anos de idade:

Primeiro premio de 100 €; segundo, 75 €; e terceiro, 50 €

 

Consulta as BASES embaixo para participares no concurso.