Suma creativa

No Teatro Afundación prodúcense fenómenos estraños en relación a unha exposición de pezas da Colección de Arte, que se exhibe incluíndo no itinerario espazos do edificio habitualmente de uso restrinxido. Algunhas obras comunican mensaxes individuais a determinadas persoas que as visitan, intervindo en distintos planos da súa psique.

Once relatos de ficción, de destacadas figuras do ámbito literario galego, todos eles inspirados en obras da Colección de Arte Afundación, conforman esta suma creativa na que se combinan artes plásticas e letras. Ledicia Costas, Berta Dávila, Antonio Manuel Fraga, Diego Giráldez, O Hematocrítico, María Lado, Emma Pedreira, Mario Regueira, Eli Ríos e María Solar exploran interesantes dimensións metafísicas e/ou simbólicas das pezas plásticas seleccionadas.