Un mosteiro da Ribeira Sacra: Santa Cristina de Ribas de Sil

Escurecido por outros mosteiros principais, o de Santa Cristina é un dos menos coñecidos entre os numerosos que se ubican na Ribeira Sacra do Sil, malia a beleza do seu enclave e a orixinalidade do seu organismo arquitectónico. Tras anos de despoxo e abandono, que o reduciron a ruína, realizáronse obras de recuperación, cun proxecto de consolidación e restauración a cargo do arquitecto Alfredo Freixedo, a quen se debe a planimetría desta guía.