O mosteiro de San Clodio de Leiro

A mediados dos anos noventa a Xunta de Galicia e a cadea hostaleira Hotusa acometeron a reforma integral deste vello cenobio cisterciense da comarca do Ribeiro. O novo San Clodio é o primeiro hotel-monumento que esta cadea inaugurou en Galicia. A obra comprende o estudo histórico do mosteiro e os traballos de restauración para converter os espazos monacais anexos á igrexa aos novos usos turísticos sen alterar os seus valores histórico artísticos.