Diseño de vanguardia: 1880-1940

Catálogo da mostra do mesmo título dunha selección de pezas da colección Torstein Bröhan adquirida polo Estado Español e adscrita ao Museo Nacional de Artes Decorativas.

O discurso expositivo está centrado na época heróica da historia do deseño, etapa na que a colección Torstein Bröhan é especialmente interesante. Parte da toma de conciencia que tivo lugar no seo dos movementos modernistas da Europa industrializada, con obras de Dresser, Van de Velde, Josef Hoffman, Olbrich, Peter Behrens ou Hector Guimard, continúa coas formulacións racionalistas da Werkbund, a Bauhaus e o Neoplasticismo holandés e a súa influencia no Estilo Internacional de entreguerras, que define as bases do deseño do Movemento Moderno.

Textos: Torstein Bröhan, Francisco Calvo Serraller, Elisa Ramiro Reglero.