Arquitecturas no papel: Vigo 1933/41

Comprende esta obra proxectos non executados de arquitectura racionalista en Vigo, arquitectura soñada que non chegou a se materializar. Mostran un claro compromiso intelectual e artístico coas vangardas europeas, que tantas dificultades atoparon na cidade na época da segunda república, e aínda máis con posterioridade, cando o que politicamente prevalecía era unha nostalxia da arquitectura barroca de concepción historicista. Esta tendencia aplica conceptos como equilibrio, regularidade, sinxeleza na ornamentación e, sobre todo, preocupación polo espazo interior.