Nuestro planeta

Nuestro planeta propón un percorrido, baseado en investigacións serias e fotografías marabillosas, a través dos oito hábitats da Terra, dende os polos e océanos máis profundos ata os bosques e desertos máis remotos. A intención é amosar o seu papel fundamental para preservar a diversidade da vida e o profundo impacto que os seres humanos deixaron sobre eles.

Cun estilo tan claro como rigoroso, este traballo explica que hábitats, lugares e especies forman parte dun todo interconectado e hai unha sorprendente diversidade que é esencial para manter a saúde do mundo no que vivimos. Esta é a maior forza do planeta e a súa maior debilidade, e este libro explica como darlle a oportunidade á natureza e como, ás veces, as cousas poden mellorarse. Esperanza é a palabra que aparece en todas as páxinas deste libro e da serie documental: este é o noso planeta e podemos reparalo.